List of Autism centers in Andhra Pradesh

ఆంధ్రప్రదేశ్ రాష్ట్రంలో 125 ఆటిజం కేంద్రాల ఏర్పాటు

ఆంధ్రప్రదేశ్ విద్యాశాఖామంత్రి నారా లోకేష్ చొరవతో కేంద్ర మానవ వనరుల విభాగం ప్రాజెక్ట్ అప్రూవల్ బోర్డు, 2025-26 విద్యా సంవత్సరానికి రాష్ట్రవ్యాప్తంగా ఒక్కో మునిసిపాలిటీకి ఒకటి చొప్పున 125 ఆటిజం కేంద్రాలను ఏర్పాటు చేయడానికి ఆమోదించింది. ఆటిజం కేంద్రాల ఏర్పాటుతో ఆటిజంతో బాధపడుతున్న పిల్లల విద్య, థెరపీలకు ప్రభుత్వమే ఓ మార్గం చూపింది. (List of Autism centers in Andhra Pradesh)

ఆటిజం కేంద్రాల లక్ష్యాలు

• ఆటిజం స్పెక్ట్రమ్ డిజార్డర్ ఉన్న పిల్లలను అంచనా వేయడానికి అత్యంత ఆధునిక సౌకర్యాలు కేంద్రాల్లో కల్పించి, నిపుణులైన సిబ్బంది నియామకం.
• ప్రభావవంతమైన అభ్యాసం కోసం వారికి మద్దతు, సాధికారత కల్పించడానికి ఆటిజం స్పెక్ట్రమ్ డిజార్డర్ (ASD) ఉన్న తల్లిదండ్రులు, విద్యార్థులకు శిక్షణ అందించడం.
• ASD, మేధో వైకల్యం (ID), నిర్దిష్ట అభ్యాస వైకల్యాలు (SLD) కోసం స్థానిక అవగాహన కేంద్రాలుగా పనిచేయడం.
• ఆటిజానికి పూర్తిగా నయం చేసే చికిత్స లేదు. కానీ, కొన్ని థెరపీల ద్వారా పిల్లల్లో ఆటిజం లక్షణాలను తగ్గించవచ్చు. ఆటిజం గుర్తించిన పిల్లలకు ‘ప్రవర్తనా చికిత్స’, ‘సంభాషణ చికిత్స’, ‘వృత్తి చికిత్స’ చేస్తారు. తద్వారా పిల్లల ప్రవర్తనను మెరుగుపరచడం, పిల్లలు ఇతరులతో మాట్లాడటం, పిల్లలు రోజువారీ పనులు చేయడం వంటి వాటికి ఈ థెరపీలు సహాయపడతాయి. వారి అవరోధాలను గుర్తించి, అవసరమైన చికిత్సలను అందించడం.
• సరైన మూల్యాంకనం, అంచనా, పునరావాసంతో, ఆంధ్రప్రదేశ్ సమగ్ర శిక్షా ఆటిజం ఉన్న పిల్లలు సమాజంలో కలిసిపోయేలా సహాయపడుతుంది. వారి తల్లిదండ్రులు, తోబుట్టువులకు అవసరమైన శిక్షణను అందిస్తుంది.
• సమ్మిళిత విద్య, సహచరుల పరస్పర చర్య ప్రభావవంతమైన ప్రవర్తనా చికిత్స. సామాజిక అభివృద్ధికి కీలకం.
• సమాజం, దేశ ప్రయోజనం కోసం ఈ తెలివైన మనసుల్లో దాగి ఉన్న ప్రతిభను కనుగొనడానికి, సమగ్రశిక్షా ఆటిజం కేంద్రాలు కీలక పాత్ర పోషిస్తాయనడంలో సందేహం లేదు.

తల్లిదండ్రులుగా పిల్లలకు సమయం ఇవ్వండి

“సమగ్ర శిక్షా ఆధ్వర్యంలో మునిసిపల్ స్థాయిలో ఒక్కో ఆటిజం కేంద్రాన్ని నిర్మించడానికి రూ. 27.75 లక్షలు మంజూరు చేశాం. విద్యార్థుల్లో ఆటిజం లక్షణాలు గుర్తించడం, వాటికి అనుగుణంగా ఆరోగ్యపరమైన జాగ్రత్తలు, ఐక్యూ అనుగుణంగా విద్య సంబంధమైన సౌకర్యాలు కల్పిస్తాము. ఆటిజాన్ని ఎలా నిర్మూలించాలి. గుర్తించిన తర్వాత తల్లిదండ్రులు ఎలాంటి జాగ్రత్తలు తీసుకోవాలి. వంటి అంశాలపై ఆటిజం సెంటర్లలో శిక్షణ పొందిన ప్రత్యేక ఉపాధ్యాయులతో అవగాహన కల్పిస్తాం. తల్లిదండ్రులుగా పిల్లలకు సమయం ఇస్తూ వారి శారీరక, మానసిక ఎదుగుదలను జాగ్రత్తగా గమనించండి.. ఆటిజం లక్షణాలు కనిపిస్తే తేలిగ్గా తీసుకోవద్దు. మన చేతుల్లో ఉన్నది ఒక్కటే.. ఆటిజం పిల్లల బ్రెయిన్ నిరంతరం ట్రైన్ చేయాలి. Continuous therapy లతో బాటు.. ఇంట్లో వాటిని ప్రాక్టీస్ చేయించాలి. పిల్లల భవిష్యత్ కోసం తల్లిదండ్రులిద్దరూ ఒకరి కోసం మరొకరు ధైర్యంగా నిలబడాలి.”

-బి. శ్రీనివాసరావు, IAS., ఎస్పీడీ, సమగ్ర శిక్షా.

PM SHRI కింద జిల్లా వారీగా ప్రతిపాదిత 125 ఆటిజం కేంద్రాలు

District wise proposed PM Shri Schools located in Muncipality level for establishing 125 Autism Centers across the State

Read also..

ఆటిజం అంటే ఏమిటి..? లక్షణాలు ఎలా ఉంటాయి..? తల్లిదండ్రులు ఏమి చేయాలి ..!

CLICK HERE