Allergies Treatment and Prevention in Telugu

వివిధ రకాల అలర్జీలు, కారకాలు, చికిత్స విధానాలు మరియు నివారణ మార్గాలు:-

అలర్జీ అనేది ఒక సాధారణ ఆరోగ్య సమస్య, కానీ అది ప్రాణాంతకం కూడా కావచ్చు. అలెర్జీ అంటే రోగనిరోధక వ్యవస్థ హానిచేయని పదార్థానికి అతిగా స్పందించడం. కొన్ని అలెర్జీలు తేలికపాటివి, కానీ మరికొన్ని అలెర్జీలు తీవ్రమైనవి, అవి ప్రాణాపాయం కలిగిస్తాయి. అలర్జీల యొక్క సాధారణ లక్షణాలు తుమ్ములు, ముక్కు కారడం, కళ్ళలో నీరు, గొంతులో గీతలు, చర్మంపై దద్దుర్లు మరియు పొక్కులు, కండరాల నొప్పి మరియు కొన్నిసార్లు జ్వరం కూడా ఉంటాయి. అలర్జీల యొక్క తీవ్రత వ్యక్తి నుండి వ్యక్తికి మారుతుంది. కొన్ని అలెర్జీలు తేలికపాటివి మరియు స్వయంగా తగ్గిపోతాయి, అయితే మరికొన్ని అలెర్జీలు చికిత్స లేకుండా వదిలేస్తే ప్రాణాంతకం కావచ్చు. (Allergies Treatment and Prevention in Telugu)

అలర్జీ ఎందుకు వస్తుంది..?

అలర్జీ అనేది శరీర రోగనిరోధక వ్యవస్థ అలర్జిన్ కు ప్రతిస్పందించినప్పుడు తలెత్తే ఒక సాధారణ పరిస్థితి. మనం పీల్చే గాలి, తీసుకునే ఆహారం, పెంచుకునే జంతువులు, వాడే సువాసనలు, వేసుకునే మందులు కూడా అలర్జీలకు కారణమే! అలర్జీల విజృంభణకు చలికాలం అనువైన సమయం. అనాఫిలాక్సిస్ వంటి తీవ్రమైన అలెర్జీ ప్రతిచర్యలు శ్వాస తీసుకోవడంలో ఇబ్బంది, రక్తపోటులో మార్పులు మరియు గొంతు వాపు వంటి లక్షణాలను కలిగి ఉంటాయి, ఇవి ప్రాణాంతకం కావచ్చు. కాబట్టి మనం సాధారణంగా ఎదుర్కొనే కొన్ని రకాల అలర్జీలు, వాటి కారకాలు, నివారణలపై ఆవగాహన ఏర్పరుచుకోవడం అవసరం.

వివిధ అలర్జీలు – కారకాలు

ముక్కు అలర్జీ:

• కారకం: ధూళిలోని క్రిములు
• లక్షణాలు: తుమ్ములు, ముక్కు కారడం, ముక్కు దిబ్బెడ

చర్మ అలర్జీ:

• కారకాలు: గుడ్లు, పాలు, పీతలు, రొయ్యలు, సోయా, నట్స్, గోధుమలు
• లక్షణాలు: దురద, చర్మంపై దద్దుర్లు, గురక, దగ్గు, శ్వాసలో ఇబ్బంది, పల్స్ పడిపోవడం, శరీరం నీలి రంగు లోకి మారడం.

కంటి అలర్జీ:

• కారకాలు: పుప్పొడి, ధూళి క్రిములు, పెంపుడు జంతువులు
• లక్షణాలు: కళ్లలో దురద, వాపు, నీరు కారడం, ఎరుపెక్కడం

ఊపిరితిత్తుల అలర్జీ: (బ్రాంఖైటిస్/ఆస్తమా)

• కారకాలు: డస్ట్, వైరస్, వాతావరణంలో తేమ, కొన్ని రకాల ఆహార పదార్థాలు
• లక్షణాలు: దగ్గు, ఆయాసం, ఛాతి బిగుతుగా ఉండడం, పిల్లికూతలు

డ్రగ్ అలర్జీ:

• కారకాలు: యాంటిబయాటిక్స్ (పెన్సిలిన్), పెయిన్ కిల్లర్స్, ఫ్యామిలీ హిస్టరీ, జీవనశైలి, ఇతర జబ్బులకు వాడుతున్న మందులు
• లక్షణాలు: దద్దుర్లు, దురద, స్కిన్ రాష్, తలనొప్పి, వికారం, వాంతులు, శరీరంలోని లోతు భాగాల్లో వాపు, శ్వాస తీసుకోవడంలో కష్టాలు, గుండె వేగం పెరగడం, రక్తపోటు పడిపోవడం మొదలైనవి ఉంటాయి.

నిర్ధారణ పరీక్షలు:

• బ్లడ్ టెస్ట్: బ్లడ్ టెస్ట్ ద్వారా సీరం IGE లెవెల్ను కొలవడానికి, రక్త నమూనాలలో IgE స్థాయిలను కొలవడానికి చేసే పరీక్షను “Immunoglobulin E Serum Test” అంటారు. ఇది రక్తంలో మొత్తం IgE (Immunoglobulin E) స్థాయిలను కొలుస్తుంది. ఈ పరీక్షను సాధారణంగా అలెర్జీలు, పరాన్నజీవుల ఇన్ఫెక్షన్లు మరియు ఇతర రోగాలను గుర్తించడానికి ఉపయోగిస్తారు.
• స్కిన్ ప్రిక్ టెస్ట్ (SPT): దీన్ని గోల్డ్ స్టాండర్డ్ టెస్ట్ అంటారు. ఇది కచ్చితమైన అలర్జీ నిర్ధారణ పరీక్ష చెస్ట్ ఎక్స్రే, పిఎన్ఎ.ఎస్. లంగ్ ఫంక్షన్ టెస్ట్ (PFT)

చికిత్సా విధానాలు:

నిర్ధారణ పరీక్షలు, లక్షణాల తీవ్రత, మెడికల్ హిస్టరీని బట్టి అలర్జీలకు సరైన చికిత్స ఎంచుకోవలసి ఉంటుంది. అలర్జీ కారకాలకు దూరంగా ఉండవలసి ఉంటుంది.

యాంటీ హిస్టమైన్ మందులు: నేసల్ డీ కంజెస్టెంట్ స్ప్రేలు, బ్రాంకోడైలేటర్ మెడిసిన్, ఇన్హీలర్లు, నెబ్యులైజేషన్

ఇమ్యునోథెరపీ:

1. సబ్లంగ్యువల్ ఇమ్యునోథెరపీ- SLIT (నాలుక అడుగున)
2. సబ్ క్యుటేనియస్ ఇమ్యునోథెరపీ – SCIT (చర్మం అడుగున)
3. ఇది అత్యాధునికమైన, కచ్చితమైన చికిత్సా విధానం యాంటీ IgE థెరపీ, అలర్జీ షార్ప్

నివారణ మార్గాలు:

• అలర్జీ కారకాలకు (ట్రిగ్గర్స్) దూరంగా ఉండడం
• అలర్జీ స్పెషలిస్ట్ డాక్టర్ సూచించిన మందులను సరైన మోతాదులో, చెప్పినంత కాలం వాడుకుంటే, అలర్జీ నియంత్రణలోకి వస్తుంది.
• సొంత వైద్యం మంచిది కాదు. దీంతో సమస్య మరింత తీవ్రమయ్యే ప్రమాదం ఉంది.
• ఇన్ఫ్లుయెంజా వ్యాక్సిన్ ప్రతి సంవత్సరం డాక్టర్ సలహాతో తీసుకోవాలి.

Read also…

Health benefits of finger millets

CLICK HERE